Azemz : Acer 1u γuct 2010

    
Libya Imal
<p>ADEG N LIBYA N YIMAL</p>

  Taddart

Version imprimable de cet article Enregistrer au format PDF

Anasiw Amaziɣ (ملامس حاسوب لكتابة الأمازغية)

I. Zdem-d ahil asenselkiman ara teẓẓum deg uselkim-nsen :

TifinagheWinXP2000.zip

Ahil-a d unasiw amaynut i iteddu ɣef Windows Vista d Windows XP. Akken diɣen i yettwaxdam i tsefsa Unicode kan. Tzemrem ad tarum s tsefsa Unicode am Arial Unicode MS i d-iteddun di Windows, neɣ Garamond Unicode, Times New Roman Unicode, Footlight MT Light Unicode …

II. Amek ara teẓẓum anasiw ?

1. Zdem-d afaylu "anasunic.zip" (Ẓer da),
2. Ffsi-t, ttekki snat tikkal ɣef ufaylu "setup",
3. M’ara d-tban tfelwit-a, tekki ɣef "Close".

Ayyuz ! Dayen anasiw Amaziɣ yettwaẓẓa deg uselkim-nwen !

III. Amek ara ternum anasiw Amaziɣ ɣer win i teseqdacem yakan ?

1. Ad tṛuḥem ɣer : "Control Panel (en)"

2. Ad tṛuḥem ɣer : "Regional and language options (en)"

3. Ad tṛuḥem ɣer : "Keyboards and languages" (en) neɣ "Claviers et langues" (fr)

4. Ffren tutlayt iɣer ara ternum anasiw Amaziɣ, ad tekkim ɣer tqeffalt Rrnu : Add (en) neɣ Ajouter (fr).

5. Ffren Tamazight Unicode. Tekki ɣef tqeffalt OK.

6. Tekki ɣef tqeffalt : Apply (en).

Ayyuz ! Dayen anasiw Amaziɣ yettwarna ɣer unasiw teseqdacem !

GT. Ger uselkim ɣer wayeḍ ad tafem yemgerrad cwiṭ, maca lsas-is yiwen.

IV. Amek ara tarum tamaziɣt s unasiw-a ?

M’akken ara ternum anasiw amaziɣ Tamazight Unicode i unasiw-nwen ad d-iban unasiw amecṭuḥ seg ddaw n wegdil [screen] ɣef yidis ayeffus (neɣ azelmaḍ). Am akk-a:

Amek ara tesremdem [Activate] Anasiw Amaziɣ ?

Ffren deg unasiw-a amecṭuḥ Tamazight Unicode.

Anda llan isekkilen n tmaziɣt deg unasiw ?

I wakken ad tarum isekkilen yesɛen tineqiḍin (ẓ, ṛ, ṭ, ṣ, ḍ, ḥ) s wadda akk d isekkilen yesɛan akafu s ufella (ǧ, č), tekki ɣef tqeffalt "^", syin rnu tekki ɣef usekkil iwulmen. Amedya : akken ad tarum asekkil "ḍ" : tekki ɣef "^", rnu ɣef usekkil "d".
Akken ad tarum asekkil "ɣ", tekki ɣef tqeffalt "^", rnu tekki ɣef usekkil "q".
Akken ad tarum asekkil "ɛ", tekki ɣef tqeffalt "^", rnu tekki ɣef usekkil "w"

- ɣ —> ^ + q
- ɛ —> ^ + w
- ẓ —> ^ + z
- ṛ —> ^ + r
- ṭ —> ^ + t
- ṣ —> ^ + s
- ḍ —> ^ + d
- ḥ —> ^ + h
- č —> ^ + c
- ǧ —> ^ + g





     Copyright ©2005-2017 Libya Imal, adeg n Libya n yimal D adeg yessuli apulee.com