Azemz : Arim 14 yunyu 2010

    
Libya Imal
<p>ADEG N LIBYA N YIMAL</p>

  Taddart » Imagraden

Version imprimable de cet article Enregistrer au format PDF

Meksa

 14 yunyu 2010    Libya

Meksa Σabdelqader d acennay ameqqran n teqbaylit. Ilul ass n 4 Yunyu 1954 deg taddart n Mira deg tɣiwant n Tmizart i d-yezgan deg lɛerc n At-Jennad (Tizi-Wezzu).

Asmi i yeweḍ 6 iseggasen deg usemmud-is, yedda d imawlan-is ar temnaḍt n Blida anda i yeqqim dina aṭas n yiseggasen send ad iṛuḥ ad yezdeɣ deg « la pointe pescade », deg tama n Buluɣin deg Lzzayer tamaneɣt. Γer 22 iseggasen-is, yunag ɣer Fransa, deg Épinay-sur-Seine, deg temnaḍt n Paris. Yella ixeddem deg tsenselkimt, yettidir d yiwet n tṛumit imi qqaren Nathalie. Deg useggas n 1980 yesɛa-d yid-s taqcict i wumi yefka isem amaziɣ : Masiba.

Yessuffeɣ iman ass n 30 tuber 1988 deg yiwet n laksida n tkaṛṛust deg temdint n Créteil. Deg uṣenduq ideg d-yuɣal seg tmurt Fransa ɣer taddart-is Mira. Γer gma-s amecṭuḥ, i d-yewwin agerbus-is ɣer tmurt, tamettant n Meksa yella deg-s usurdu (ccek). Kullec yezmer ad d-yilli : yezmer ad yilli wannect-a yekka-d seg “le racisme” n yifransisen, imi imir-n annecta d ayen I yugten deg tallit-nni deg tmurt n Victor Hugo. Daɣen, yezmer ad yilli dayen nniḍen : Ma nerra ɣer yimeslayen n Nathalie, ɣef wayen i s-d-nnan wid yessexsayen times (Les pompiers), yella win i t-yewten, imi, agerbuz-is yeččur d cwami, maca, ur ẓrin ara anwa. Ulac acemma n ttbut ɣef waya. Kra qqaren-d d akken yemmut deg yiwet n wexxam n temsulta deg Crétéil.

I waken kan ad smektiɣ daɣen belli tasfift tanegarut n Meksa, isem-is Amɣar Azemni, u tefɣed deg useggas n 1988: kra imalasen kan uqbel ad yemmet. D lewhayem amek di tesfift aki, tella yiwet n tezlitt anda t heder-d af tuɣalin ar tmurt deg uṣenduq

Amek id yussa s anar n ccna?
Meksa illa meẓẓiy asmi i s-tekcem tayri n ccna s d uẓawan s ul-is. Deg 1973 ikcem ar umaṭaf wis 2 n Rradyu taɣelnawt n Lzzayer i waken ad itteki di yiwet n tarbaɛt uceqquf umezgun. Deg 1975, ijja Rradyu s anar n ccna. Yella ger tasuta tamaynut inazuren id yufraren deg segwasen n 70, ger imezwura n ccna i fkan azal muqqran i tezlit tazwawt tartart, am Ferḥat Mhenni, Mjahed Ḥamid, Yidir, ǧamal Ɛellam, Menad, Ccix Nuredin, d wiyad. Zemreɣ ad ini-ɣ belli Meksa illa d win i sexdamen di tezlatin ines ugar n wawalen neɣ imeslayen ur nesexdem ara s ṭaqa imiren. Ad smekt-iɣ kan belli deg seggasen n 70-80 macci aṭas, ladɣa wid izedɣen timdinin, illan i snen awalen am: Isalen, Agdud, Tagrawla, Tafsut, Dujenbir, Idles, Agellid, … Daɣen di tezlatin-is iḥekud Meksa lawayed-neɣ (Anzar, Yimecreṭ, …) d tmucuha-neɣ (Lunǧa, Zelgum, …) akw d umezruy imaziɣen d igeliden nsen am Masinisa d Gaya. Anecta ahat ur d yettili ara lukan ur yelli Mas Muḥ Cerbi, i yeklalen tajmilt muqren, d netta i ttaken imeslayen i Meksa. Usmekti kan Muḥ Cerbi, d yiwen umeɣnas n tmaziɣt u d-amyaru af umezruy imaziɣen i ttwasnen.
[beddel]Iḍebsiyen n Meksa
Deg segwas n 1975 id isufeɣ adebsi ines amezwaru umi isem-a Tasfut. Asegwas id yernan, yunag ar Franṣa, anda i sekles adebsi wayed azwel-is: Taɣuzi deg idles, anda lant yakw tuɣac i-s-yettwasen Meksa am Asif Asif, Anzar, Timecreṭ, …ur nettu i lebda imi fazent nezzeh. Deg segwas n 1979, Meksa icna di tzzeqa n Aṭlas di Lzzayer tamanaɣt zdat n waṭas id yusan a s-inezhen. Deg segwas-a dɣa i sekles adebsi wayed umi yefka isem n: Tagrawla, anda llant tuɣac am Masinisa, Tafunst igujilen, Zelgum, … d tuɣac usaki id ismektayen azwaw, neɣ amaziɣ s umata, amezuy ines d taɣarma ines iqburen. Anecta yussad swaswa kan imi asegwas wayed, aken tezram yakw ussant-ed tedyanin nni n Tafsut n 80. Dɣa deg segwas aki, i sekles Meksa adebsi ines wis krad izwel-is : Amnekcem, anda yerra tajmilit ilmezyen n tefsut imaziɣen. Isyin akin Meksa iḥbes d acḥal isegwasen armi d 1988 anda i sekles, aken id nenna s uffela, adebsi-is aneggaru (Amɣar azemni), kra imalasen kan uqbel ad imet.
[beddel]Tagrayt
Wid iḥedren asmi i yenṭel Meksa, qaren-d ayen i ttuɣaḍen, asmi imut ulac aṭas n medden, ula d yiwen unazur, neɣ uneɣmas id yussan ad iḥḍer i tenṭelt-is. Acku anecta imi Meksa illa di tudert-is d yiwen ur iḥemlen ara ad isken iman-is (être médiatisé), ad ittwasen, neɣ ad yilli dima deg iɣmisen neɣ di ôadyuwat, wama tilizri imiren ur d tṣaḥ ara i nekwni s imaziɣen. Meksa isɛa kan yiwen n iswi: ad isawed s ṣut-is d uẓawan-is i fazen, leḥmala n idles-neɣ ar imezzaɣ n yal azwaw i waken a t id ismekti yal tikelt ara s-isel belli isɛa amezuy meqqren, ur ilaq ara ad iḥqer iman-is.
Tura nezmer ad n-ini izen ines atan yeweḍ imi deg segwasen aki innegura, d ayen i sefraḥen ma nettwali aṭas n tejmilin i s-ittuɣalen i sya w sya. U aṭas i t-id ismektayen, ama deg ismal neɣ deg iɣmisen neɣ di tilizri n tmaziɣt neɣ. Dɣa ad smektiɣ kan belli tilizri aki t heḍred aṭas af Meksa ussan aki yezrin. Daɣen deg ussan n 23-24 uwenbir 2006, taddukli tadelsant Yusef u Qasi, n taddart Mira, akw d wexxam n yedles Mulud At Mamer n Tizi-Wezzu, heggan-d yiwen n wahil ilmend n tejmilt unazzur Meksa. Tagara yaki daɣen aṭas n-yeɣmisen n tmurt i d ihedren af Meksa. Di Muriyal tella-d yiwet n tameɣra muqren ass n 16 dujenbir 2006: ‘Kabylie Spectacle’ anda tellad yiwet tejmilit i Meksa s wudem ur usrid yiwen unazur icna-d kra n tezlatin n Meksa u waken tasuta tamaynut di Kanada ad zren d anwa-t Meksa.
Ayen i zemreɣ a tidernuɣ di tagara af Meksa, greɣ tamawt s kra n win i slan neɣ ara yeslen i tuɣac-is, s zux ad yini nek d azwaw neɣ d amaziɣ, s umata. S kra n wid umi fkiɣ adebsi usid i sɛig n Meksa, u yufa-d lḥal ur t-sinnen ara uqbel, nnan-iyi d: Aqlaɣ n caṭew, dayen ifazen madi , neɣ aken id qqaren tikwal kra s t-franṣiṣit ‘C’est sublime, c’est magnéfique, c’est génial’. Lḥaṣul Meksa, ma s isel wemdan, i zmer ad yer yal yiwen iruḥen ad yeceḍ ad yuɣal ar laṣel. Tuɣac-is yakw katet s ul srid u smekt-ayen-d taneṣlit. Ayen yakw i yecna isɛa anamek, isɛa azal, ama af Tayri (Lunǧa, …), d lawayed (Anzar, Timecreṭ, …), d amezruy (Gaya agellid n Numidya, Masinisa), lferf d leḥzen (Tafsut, Asif Asif, …), Timucuha (Tafunsat igugilen, Zelgum, …). Dɣa ad ferṣeɣ tagnitt, i win urjin isla i Meksa, neɣ win ibɣan a s-isel i waken a t-id smekti, izmer ad yerzu ar wesmel aki:

Amek ur tcerwem ara, ma teslem i meslayen icban wi:

Anzar! Anzar!\

At-tebbw nneɛma bbwedrar

Anzar, Anzar

At-ternu tin n uzaɣɣar

Assa an-ncebbeh i wɣ-ɣwenja

A d-nezzi merra i tudrin

An-necnu maççi d kra

Tulawin s taɣratin

Ay Anzar awi-d lehwa

Ad swent yakw tebḥirin

Anzar, Anzar ...

Ay Anzar awi-d aman

Kkawent tferkiwin

Teslid merra s isalan

Ttxil-ek uɣɣal-aɣɣ-d d aɛewin

Awi-d kra din yellan

Yezra yired t-temzin

Anzar, Azar ...

Akal ifud ur yeswa

Kawent ula t-tizemrin

Tala tuɣɣal s nnuba

Hejbent fell-as tlawin

Nebbwi-k d acewwiq i cnna



Azen-d izen γef umagrad-a



     Copyright ©2005-2017 Libya Imal, adeg n Libya n yimal D adeg yessuli apulee.com