Azemz : Sed 17 yulyu 2010

    
Libya Imal
<p>ADEG N LIBYA N YIMAL</p>

  Taddart » Tasekla

Version imprimable de cet article Enregistrer au format PDF

Tamusni-I

 17 yulyu 2010    Sassi Dehmani

A-Awdan ttimetti
Awdan ameqqar ur yenna ara netc d ameqqar, maca imeqqaren m-midden netnin
d imesnawen yila llan g-wul n-timetti.
D ayu s-mat ver an utlay af tamusni afellanev an akez amusnaw, mallik ur tella
tamusni ur amusnaw d ur yella amusnaw ur tusna n-timetti ttmeddurt m-midden-nnes
sejjaj.
Tameddurt m-midden nettat d asental amezwar n-tamusni d imesnawen yila xedmen
mehlen g-talsa-nnes s-wufus d ivef g leàbes.
Amyu amusnaw inejjem ay-zzu amdag n-tamusni g-iselman n-timetti d at ugur lezzat
d agdud ay-mver d ay-zer abrid-is, ay slull tamurt d ay-mdi tatfi n-tilelli.
Nev tilelli nettat d abud n-tmesniwin kul, mallik tamusni ur tilelli nettat
ca ttamusni, imat ?
Mallik tamusni iswi-s amezwar netta ttaslullit n-alli m-midden s-uxetref
d ajjujef ttkerkas af wawal n-igulla d mat y-ttased-asen s-berra n-iman-nsen.
Deh tilelli n-awdan nettat d wul n-tamusni d amusnaw ur yella ara ver ay-ttu
taslullit n-tamusni bac ekkren midden s-ides-nsen d at-ekker timetti.

Tanemmirt.

Tirawt ;
Tuh ttikkest s-ungal nnan-as Tunnit
yurit S.Dehmani 1995 d xxul ad wednet tikkas iden.

Amawal

- Abud-qaàida-base.
- Agdud-chaàb-peuple.
- Asental-mawduà-sujet.
- Alli-àaql-cerveau.
- Iswi-hadaf-but.
- Talsa-insaniyya-humanite



Azen-d izen γef umagrad-a



     Copyright ©2005-2017 Libya Imal, adeg n Libya n yimal D adeg yessuli apulee.com