Azemz : Ahad 12 yennayer 2011

    
Libya Imal
<p>ADEG N LIBYA N YIMAL</p>

  Taddart » Isallen

Version imprimable de cet article Enregistrer au format PDF

Libya : Sin yimeɣnasen n tmaziɣt ttwaxeḍfen !

 12 yennayer 2011    Libya

Bessaci

Ddurt-agi yezrin, ass n lexmis 16 dujember 2010, ttwaxeḍfen sin watmaten imaγnasen n tmaziγt Madγis akk d Maziγ Bouzakhar deg wewwam-nsen, γef akken i d-nnant kra n teγbula n srabes n tmurt n Libya. Nnan-d kra n yimaγnasen n tmaziγt d-akken imdanen-agi i ten-ixeḍfen, llan ttekkan deg iγallen n teγlist tadaxlit n tmurt n Libya. Seg ass-mi ay ten-wwin ar tura urεad d-iban lexbar-nsen neγ amḍiq i deg llan. Am wakken daγen ur d-tban tmentilt i γef ten-refden. Azekka-nni segmi i ten-xedfen, uγalen-d iγallen n teγlist s yiwet n ẓedma γef wexxam-nsen anda i wwin idlisen n umezruy d yidles amatu i ufan deg temkardit n wexxam-nsen.
Nesḥasef aṭas γef taεdiyat d tuksa n lḥerma n udabu abulisi n tmurt n Libya γef imaγnasen n tmaziγt yettḥaraben γef wezref n yedles amaziγ. nekkni s warraw n tmazγa ur nezmir ara ad nessusem i lbaṭel aberkan n rrebrab id-yeγḍel udabu deg libya mgal atmaten-nneγ Madγis akk d Maziγ Bouzakhar imaγnasen n tmaziγt.
Muḥal a d-yessusem win yettaken azal i wezref n tlelli n umeslay i lbaṭel am wa. Muḥal a d-yessusem wemdan yettqadaren tirwiḥin d yizerfan n wemdan i userheb yecban wa.
Yal amaγnas n tmaziγt d yizarfan n wemdan, issefk akken ad bedden s idis n sin watmaten-agi Bouzakhar,alamma yella-d userreḥ-nsen
Nessaram akken izerfan n wemdan ad bedden akken iwata i tmurt n Libya i wakken ad yekfu wugur d lbaṭel γef yimaγnasen n tmaziγt i tmurt n Libya u tamaziγt ad tti-d-yuγal leqdar syen a d-tidir deg tlelli.
Nessutur tilelli i watmaten Bouzakhar Maziγ d Madγis.
Afus deg ufus taεkkemt ad-tufsus.



Azen-d izen γef umagrad-a



     Copyright ©2005-2017 Libya Imal, adeg n Libya n yimal D adeg yessuli apulee.com