Azemz : Sem 4 meγes 2011

    
Libya Imal
<p>ADEG N LIBYA N YIMAL</p>

  Taddart » Tasekla

Version imprimable de cet article Enregistrer au format PDF

AMṢUḌ (Le Fou)

 4 meγes 2011    Libya

Atan icuba aydi
Yettarra iman-is d sidi
Acḥal yewhem deg yiman-is

Ur yettḥebbir ur yettnadi
Ur ifuk ur yebdi
Ceγl-is yezga d unqis

Ayen yelhan ur t-id-yefdi
Qqeḍran γur-s d udi
Tamment rẓaget deg yimi-s

Ula d Rebbi ur t-id-yehdi
Yesseγres akk nfadi
Ulac win yeğğa deg lεeql-is

Lukan yella d aseεdi
Deg ubrid yelhan ad iεeddi
Yerna ad yissin leqedr-is

Ar yiγes tewweḍ tfidi
Tidett ur tt-yettaγ uṣurdi
Yibbas a d-yessers leḥsab-is

Ttmenyif ad qqimeγ weḥd-i
Wala a yi-ksen tabidi
Γurwat win inekren laṣel-is

Sγur islam bessaci



Azen-d izen γef umagrad-a



     Copyright ©2005-2017 Libya Imal, adeg n Libya n yimal D adeg yessuli apulee.com